تويت
الدراسة بالنمسا - كامل التفاصيل(1)
الدراسه بالنمسا
- النمسا كبلد مختلفة عن المانيا انها مش بتحتاج انك تكون عارف الماني للتقديم علي الفيزا
- ثانيا مش بتحتاج حساب بنكي مغلق هناك في النمسا ولكن يشترط انك تكون حاطط مبلغ بما يعادل تكاليف الدراسيه ومعيشتك في حسابك قبل التقديم علي الفيزا يعني ممكن تجيب كشف حساب من اي بنك هنا في مصر حاطط فيه الفلوس فيما يعادل اقل حاجة 7000 يورو للبكالريوس و 10,600 يورو للماستر
لازم عشان تراسل الجامعة وتاخد قبول توثق الورق الاول من السفارة هنا
اول حاجة تخش تحجز معاد لتوثيق الورق من السفارة النمساوية بتختار legalization :
https://appointment.bmeia.gv.at/?Office=Kairo
الخطوات بتبدأ تجهز الورق لحد معاد التوثيق بتاع السفارة :
1 شهادة ثانوي وبعدها بتختمها من المحافظة لازم يكون عليها ختمين
2- بيان درجات المواد اللي درستها في كليتك وتختمها من مبني الجامعة ب150 جنيه
3- اثبات قيد من الكلية اللي انت فيها وتختمها من مبني الجامعة ب150 جنيه
4- جامعات النمسا مش طالبة شهادة لغة ودي ميزة كبيرة
يستحسن تطلع ورق الكلية بالانجلش
-بعد اما تطلع الورق ده تروح الخارجية توثقه الورقة ب 11 جنيه
- تطلع بعديها عالمترجم
بعدها تروح المعاد اللي انت حجزته في السفارة النمساوية :5 شارع ويصا واصف متفرع من شارع شارلي دي جول وعند ميدان نهضة مصر عند حديقة الحيوان كدا بالظبط عند مطلع كوبري الجامعة
لازم تكون مصور الورق كله نسخة واحدة وتصور الباسبور مهم جدا وانت رايح
الورقة ب 40 يورو وانت بتوثق 3 ورقات بحوالي 120يورو كلهم وبتستلم الورق بعدها باسبوع
- فيه حاجة مهمة بقي ان بيتعملك انترفيو مع القنصل النمساوي بتبقي بالانجلش وانت بتوثق الورق عشان يشوف انت تصلح تتقبل مبدئي ولا لا :
الانترفيو بتبقي سهلة جدا بيسالك اسمك ايه وقدم نفسك وعايز تروح تدرس ايه وفي جامعة ايه هناك ومدينة ايه واشمعني المدينة دي اسئلة سهلة خليك راسي بس كدا وهيعدي علي خير
- نيجي بقي بعد اما تستلم الورق :
بالنسبة للجامعات دي اللينكات بتاعتهم ومعاد التقديم للفصل الشتوي لحد 1سمبتمبر وللصيفي لحد 1 فبراير
ده لينك بالتخصصات الموجودة كلها في الجامعات والبرامج المتاحة:
جامعة جراتس
http://www.uni-graz.at/en/
جامعة انسبروك
http://www.uibk.ac.at/
جامعة فيينا التقنية ودي بتنزل الابليكشن من عليها وتبعت ورقك معاها بريد
http://www.tuwien.ac.at/tuwien_home/EN/
جامعة جراتس التقنية
http://portal.tugraz.at/portal/page/portal/TU_Graz
جامعة فيينا الطبية دي للطب بس وطب الاسنان مش للصيدلة
https://www.meduniwien.ac.at/
جامعة جراتس الطبية
http://www.medunigraz.at/?pageName=1
تخش علي لينك الجامعة اللي عايز تدرس فيها وتخش ع الinternational students او كلمة admission
وتخش علي كلمة contact هتلاقيها وتبعتلهم ايميل تعرف فيه نفسك وعايز تدرس ايه وكدا وخطوات التقديم ازاي وهما كويسين جدا في الرد واي سؤال في بالك حاول تسالهم فيه
- القبول بيعد من 10-12 اسبوع
بعدها تحجز معاد للفيزا من الموقع بتاع السفارة :
https://appointment.bmeia.gv.at/?Office=Kairo
ويبقي معاك الورق ده
1- القبول بتاع الجامعة وورق الكلية وثانوي اللي راسلت بيه الجامعة
2 تأمين صحي لمدة 6 شهور بتعمله من مكتب في الدور الارضي للسفارة
3- حجز سكن هناك
4- كشف حساب ليك ولوالدك في البنك او اي ممتلكات
5- شهادة ميلاد ممضية من ظابط في العباسية وفيش وتشبيه وتوثقهم خارجية وتترجمهم
6- صور
7- باسبور ساري
8- مفردات مرتب لوالدك ووالدتك من الشغل مفصل يثبت الدخل بتاعهم ولو عندكو اي ممتلكات او حاجة بتجيب دخل عقود تمليك قدمها والورق ده مبيتوثقش خارجية او سفارة بس لازم يترجم عشان مفيش ورقة بتتقدم للسفارة عربي
9- ورقة تكتبها بالانجليزي او الالماني توضح فيها مصدر الدخل والورق اللي انت مقدمه وتمضي عليها في الاخر
هتصور كل ورقة من دول نسختين وتروح عالمعاد اللي حجزته بس كدا .
وده موقع تبع الجامعة لحجز السكن نظامه بتدفع 950 يوروdeposit وتملي ابليكشن اونلاين وهيدولك رقم الحساب البنكي اللي هتحول عليه الفلوس اسمه bank unicredit austria
https://housing.oead.at/en/applyhere
كورس اللغة التمهيدي في النمسا التابع لجامعة فيينا بقى ب ١١٦٠ يورو السيمستر بدل ٤٦٠ قبل كده
الافضل قبل السفر انك تتعلم الماني في بلدك لان التكلفه هتبقي مضاعفه هناك غير انك من الصعب جدا تلاقي عمل بدون الماني
==========================================