تويت
خطوات فيزا ال UK
1. دى نقطه الدخل الشهرى لاصحاب الوظايف الثابته الراتب الشهرى وبيتم كتابه الراتب بالمليم يعنى بيتم تحويله للاسترلينى ومهما كانت نتيجة التحويل يتكتب بالسنت يعنى مفيش تقريب لاقرب عدد صحيح.
2.مصروفك الشهرى انت كشخص اللى هو مصرفك مش مصروف البيت طبعا بتحسب مصرفاتك بنسبه من الراتب الشهرى والباقى بنعتبره مدخرات وبيتم تحويله استرلينى.
3. مصروف البيت او المعالين يعنى المتزوجين او اللى بيعول الوالده او الوالد.
4. هنجمع السؤال الرابع والخامس مع بعض لان ده خدعه منهم لو اختلف الرقمين عن بعض معناه انك بتكدب وهما عباره عن سؤال واحد مجموع مصروفات الرحله لانجلترا وهما عباره عن مجموع تكت الطيران والفندق والمصروف الشخصى من اكل وشرب وفسح فى انجلترا.
6. كام الطيران وده مش معناه تحجز طيران مش مطلوب طيران اثناء التقديم على الفيزا بس عامل حسابك على كام تكت طيران وطبعا تشوف الاسعار فى التاريخ اللى محدده فى الطلب ومهم جدا تشوف طيران يناسب دخلك ومدخراتك.
7. كام حجز الفندق طبعا بتحجز فندق وتحول الرقم لاسترلينى.
8. مصروفك هناك هتاخد فلوس قد ايه معاك طبعا استرلينى.
مننساش الفلوس تتكتب بالسنت متقربش ارقام
حجز الطيران والفندق يناسب الدخل الشهرى اللي بياخد 2000 جنيه راتب غير اللى بياخد 15000 جنيه وكذلك المصروف الشخصى.
تذكير حجز الطيران + حجز الفندق + مصروفك الشخصى لازم يساوى بالظبط رقم 4 و 5
فى حد ممكن يسال انا عندى شقه متاجره او ارض مزروعه او فلوس فى البنك بيطلع ربح فى سؤال عن ارباح تانيه غير الراتب بتكتب سبب وجود فلوس تانيه فى كشف الحساب او وجود ارباح اخرى غير الراتب.