اولا : فيزا المغرب
==============
المتطلبات
1- كشف حساب بنكي لاخر 3 شهور
2- خطاب من جهه العمل ( اتش ار ليتر ) لو موظف
السجل التجاري والبطاقه الضريبيه لو صاحب عمل
شهادة قيد من الكليه لو انت طالب
3- جواز السفر + صورة من جواز السفر
4- اتنين صوره شخصيه حديثه خلفيه بيضاء
5- حجز فندق مبدئي في المغرب + حجز طيران مبدئي من اي شركه طيران
6- تأمين طبي للسفر من اي شركه تأمين
.
رسوم التأشيرة : علي حسب نوعها
1- تأشيرة single : ب 404 جنيه
2- تأشيرة مالتي : ب 605 جنيه
3- تأشيرة ترانزيت : ب 167 جنيه
.
التقديم ايام الاثنين والخميس من 10 صباحا ل 12 صباحا
والاستلام بعد 21 يوم في نفس الايام لكن من الساعه 3.30 ل 4 عصرا
عنوان السفاره : 10 ش صلاح الدين، الزمالك - القاهرة
ثانيا : فيزا تونس
===============
صعوبه فيزا تونس مش في السفاره نفسها
لكن في الموافقه الامنيه اللي بتيجي من تونس .. يعني السفاره ملهاش دعوة بتأخير الاجراءات لان دي تعليمات بينفذوها من الحكومه التونسيه
المتطلبات
1- اهم شرط ان كل حاجه تقدم منها نسختين اصل
نقول كمان مرة .. كل مستند هتقدمه تقدم منه نسختين اصل
نقول مرة كمان .. كل ورقه هتقدمها تقدم منها نسختين اصل
2- كشف حساب بنكي لاخر 6 شهور
3- خطاب من جهه العمل ( اتش ار ليتر ) لو موظف
السجل التجاري والبطاقه الضريبيه لو صاحب عمل
شهادة قيد من الكليه لو انت طالب
4- جواز السفر + صورة من جواز السفر
5- اربع صور شخصيه حديثه خلفيه بيضاء
6- حجو فندق مبدئي في تونس + حجز طيران مبدئي من اي شركه طيران
رسوم التأشيرة 750 جنيه ..
لو اول مرة تسافر تونس التأشيرة هتاخد اقل حاجه ( شهر كامل ) علي ما تطلع مش هتطلع قبل كدة لكن لو تاني او تالت مرة بتاخد من 15 يوم ل 21 يوم
عنوان السفاره في 26 شارع الجزيره في الزمالك - القاهرة
تالتا : فيزا الجزائر :
===============
المتطلبات :
1- تملي استماره طلب التأشيرة بخط واضح
2- جواز سفر + صورة منه
3- صورتين شخصيه حديثه بخلفيه بيضاء
4- تأمين طبي للسفر من اي شركه تأمين
5- كشف حساب بنكي لاخر 6 شهور
6- باقي الورق حسب نوع التأشيرة .. في الجزائر في 3 انواع من التأشيرات :
* تأشيرة عمل
ودي متطلباتها اول 6 نقط كتبناهم +
1- عقد عمل صادر من المؤسسه المستخدمه في الجزائر
2- رخصه فرديه مؤقته للعمل صادره عن مديريه التشغيل بالجزائر
3- تعهد بالرحيل صادر من الشركه المستخدمه بالجزائر
4-خطاب من جهه العمل بالجزائر
5- خطاب من جهه العمل بمصر
.
* تأشيرة عائليه
ودي متطلباتها اول 6 نقط كتبناهم +
1- شهادة ايواء من احد افراد عائله المتقدم للتأشيرة مصدق عليها من بلديه اقامه الشخص المضيف في الجزائر
2- خطاب من جهه العمل التي يعمل بها طالب التأشيرة من مصر
.
* تأشيرة سياحه
( ودي صعبه جدا وقليل ان حد بيحصل عليها بعد 2011 )
متطلباتها اول 6 نقط كتبناهم +
1- دعوة من شخص جزائري مصدق عليها من بلديه الشخص المضيف في الجزائر
1- حجز فندق في الجزائر
2- حجز طيران ذهاب وعودة وصورة منه
عنوان سفاره الجزائر : 14 ش البرازيل متفرع من ش 26 يوليو, الزمالك, القاهرة بجوار سفارة اسبانيا.