تويت
اتكلمنا فى الموضوع اللى فات عن النرويج بصفه عامه وعرفنا نظره عامه على البلد , و ده لينك الموضوع اللى فات للى معندوش فكره عن البلد http://www.arab-migrants.com/vb/showthread.php?t=715
دلوقتى هتكلم عن الدراسه و هى طريقه من أهم الطرق فى رأيى و أسهلها لدخول البلد و تمهيدا للاستقرار فيها .
.
.
أولا ليه اصلا ممكن تفكر تدرس فى النرويج ؟
1- الدول الاسكندنافيه كلها و النرويج احداها بتتمتع بنظم تعليميه متطوره و تعتبر من أفضل نظم التعليم على مستوى العالم
2- بعض التخصصات فى الجامعات النرويجيه تعتبر من أفضل البرامج فى اوروبا و أفضل من نظيراتها فى اى جامعه اوروبيه اخرى
3- الميزه الاكبر و اللى ممكن تجذب أى حد و تخليه يغير وجهته الدراسيه و يتجه الى النرويج هى ان التعليم الجامعى مجانى لاى شخص من اى بلد فى العالم .
4- التعليم فى النرويج هيأهلك للحصول على وظيفه فى سوق العمل النرويجى و بالتالى الاستقرار هناك فى البلد و ممكن بعد كدا تقدم على اقامه دائمه و بعدين جنسيه
5- توفر برامج الدراسات العليا ( الماجستير و الدكتوراه ) باللغه الانجليزيه فى معظم التخصصات ( طبعا الى جانب البرامج باللغه النرويجيه )
6- بعض الجامعات ممكن تمنحك قبول مشروط و تقعد سنه هناك تتعلم اللغه الاول و بعدين تبدأ فى البرنامج اللى عايز تدرسه فى حالة اذا كان برنامج بكالريوس
7- الحصول على تأشيرة طالب فى النرويج يؤهلك للعمل Part time بصوره قانونيه لمدة 20 ساعه اسبوعيا فى ايام الدراسه , و بشكل full time فى ايام الاجازه و ده هيساعدك طبعا انك توفر مصاريف معيشتك
8- بعد الانتهاء من دراستك ممكن تقدم على فيزا بحث عن عمل و دى مدتها سنه كحد أقصى و بالتالى مش مجبر ترجع بلدك بعد ما تخلص تعليمك لكن بيبقى قدامك فرصه للبحث عن عمل و بمجرد ما تلاقى وظيفه تقدم على اقامه عمل
9- عدد كبير من برامج البكالريوس مدتها 3 سنوات فقط ( حتى برامج الهندسه اللى بتدرس فى 5 سنوات فى مصر بتدرس فى 3 سنوات فى النرويج )
10- ممكن تقدم لاسرتك ( زوجتك و ابناءك ) للحصول على فيزا اثناء دراستك هناك لكن بشروط
.
.
فى المقابل ايه هى العيوب اللى ممكن تخلى الواحد يبعد عن التعليم فى النرويج رغم مميزاته ؟
1- عقبة اللغه االنرويجيه , برامج البكالريوس فى النرويج تدرس باللغه النرويجيه ,
2- حتى لو هتدرس ماجستير أو دكتوراه باللغه الانجليزيه , انت يلزمك حد أدنى من تعلم اللغه النرويجيه عشان تعرف تتعامل مع الناس هناك
3- عقبة مستوى المعيشه , صحيح التعليم مجانى لكن مستوى المعيشه مرتفع جدا حيث أن النرويج لديها أعلى مستوى معيشه فى العالم و ده هيتطلب تكلفه معيشه و مصاريف شخصيه مرتفعه ,
4- عشان تقدم فى جامعه نرويجيه يلزمك ضمان مالى بمقدرتك الماليه انك تقدر تتكفل بمصاريفك الشخصيه و مصاريف معيشتك لمدة سنه واحده على الاقل يتم ايداعهم فى حساب مغلق , و بدون الضمان المالى لا تستطيع الحصول على الفيزا , الضمان المالى يكون بمبلغ 104 ألف كرونه نرويجيه هى دى مصاريفك الشخصيه لمدة عام واحد و يجدد كل عام طول فترة دراستك ,
يعنى لو هتدرس ماجستير سنتين المفروض تجيب اثبات مالى ب 104 الف كرونه فقط و تاخد تأشيرة طالب و تكرر نفس الموضوع فى السنه الثانيه لدراستك و تجيب اثبات ب 104 الف كرونه مرة تانيه و ليس ب 208 ألف كرونه من اول مره
( 104 الف كرونه يساوى تقريبا 12400 دولار امريكى )
.
.
طيب يعم انت دلوقتى طلعت مشاكل كتير فى الموضوع و كده الموضوع بقى صعب و معقد , لا طبعا المشاكل دى كلها ممكن التغلب عليها لكن كان واجب انى اقولها علشان تبقى الصوره كامله من ناحية الايجابيات و السلبيات
كيفية التغلب على عقبات الدراسه فى النرويج
1-عقبة اتقان اللغه النرويجيه بالمستوى اللى يؤهلك للدراسه بيها ممكن تتحل بالبحث عن جامعه تديك قبول مشروط و بتدرس سنه هناك تتعلم فيها اللغه النرويجيه بعدين تدرس البرنامج اللى انت مقدم عليه , او بتعلم اللغه اونلاين او من خلال المركز الثقافى السويدى فى مصر
2-عقبة تعلم اللغه فى حالة انك محتاجها بس عشان التعامل مع الناس هناك ممكن تتحل بتعلمها اونلاين او من خلال كورسات لغه لما توصل هناك
3- طبعا العمل part time هيوفرلك مصاريفك الشخصيه كامله و هيمكنك من التغلب على عقبة ارتفاع مستوى المعيشه , و العمل part time ده قانونى 100%
4- للتغلب على موضوع الحساب البنكى ممكن تعمل ايداع بالمبلغ فى حساب فى بنك نرويجى و لما بتاخد الفيزا و توصل هناك بتفتح حساب جديد و الجامعه بتحولك الفلوس كلها لحسابك و انت بتبقى حر فيهم يعنى ممكن تحولهم لأهلك تانى و مفيش مشكله
.
.
طيب دلوقتى خلصنا المميزات و العقبات و اتكلمنا ازاى تتغلب على العقبات , باقى اننا نتكلم عن التقديم للدراسه نفسها
1- أولا تحدد التخصص اللى انت محتاج تدرسه , هتدخل على اللينك ده http://www.studyinnorway.no/ و تبحث ب مستوى التعليم اللى انت عايزه سواء بكالريوس او ماجستير و تشوف ايه الجامعات المتاح فيها التخصص اللى تحب تدرسه
2- هتدخل على موقع الجامعات اللى هتظهرلك فى البحث و تشوف متطلبات كل جامعه , عموما بالنسبه للمصريين لو انت بتقدم على دراسة بكالريوس فا انت لازم تكون انهيت الثانويه العامه المصريه بالاضافه لانك تكون انهيت سنه جامعيه , و لو بتقدم على ماجستير فالمفترض انك تكون انهيت مرحلة البكالريوس و فى بعض الجامعات بتقبل انك تكون فى اخر سنه و تقدم على ماجستير للسنه اللى بعدها بشرط انك تبعتلهم نتيجتك اول ما تخلص و ان كان الموضوع ده تطبيقه صعب من ناحية انك تلحق تخلص الورق
3- طبعا هناك متطلبات لا غنى عنها
.
لمرحلة الماجستير
- امتحان اثبات اللغه الانجليزيه ايلتس او تويفل , ( معظم الجامعات بتطلب ايلتس 6 او 6.5)
-بيان درجات الدراسه الجامعيه باللغه الاصليه و مترجمه انجليزى
-شهادة التخرج من الجامعه باللغه الاصليه و مترجمه انجليزى
- بيان درجات الثانويه العامه باللغه الاصليه و مترجمه انجليزى
- سيره ذاتيه
- Motivational letter بتشرح فيه ليه انت عايز تدرس هناك و ايه اهدافك من التقديم للماجستير
- Recommendation letter من دكتور او اكتر من اللى درسولك فى الكليه بيرشحوك للقبول
- كشف حساب بنكى بما لا يقل عن 104 الف كرونه نرويجيه
.
.
لمرحلة البكالريوس
-بيان درجات الثانوية العامه باللغه الاصليه و مترجمه انجليزى
- اتمام سنه جامعيه
- كشف حساب بنكى بما لا يقل عن 104 الف كرونه نرويجيه
و شوف متطلبات كل جامعه لو طالبين حاجه اضافيه
.
.
بتقوم بمراسلة الجامعه و تشوف طريقة التقديم و مواعيد التقديم , بعض الجامعات بيبقى التقديم اونلاين فقط , و بعض الجامعات بتشترط انك ترسل الورق ليهم .
بتنتظر رد الجامعه و اذا اعطوك الموافقه بتتابع معاهم بالتعليمات اللى بتتضمن تحويل مبلغ الضمان المالى ليك اللى هو 104 الف كرونه لحساب الجامعه هناك و لما التحويل بيتم و يعطوك التأكيد بوصول المبلغ لحسابهم , بتقدم على فيزا طالب فى السفاره النرويجيه و ان شاء الله مقبول .
ملاحظات
- الجامعات متعاونه جدا و بيردوا على الايميلات و الاستفسارات فى زمن قياسى
- مفروض تقنع السفاره انك هتدرس و ترجع بلدك بعد الانتهاء من الدراسه
- لما تنتهى من الدراسه ان شاء الله يحق ليك التقديم على فيزا بحث عن عمل و دى لازم يبقى معاك ضمان مالى قدره 236 الف كرونه مودعين فى حساب بنكى نرويجى , ولو بتشتغل Part time او لديك وظيفه لكنك تبحث عن وظيفه متعلقه اكثر بمجالك ممكن تضمن راتبك من الوظيفه ضمن الضمان المالى ليك
- مدة الفيزا البحث عن عمل سنه كحد أقصى
- يمكنك العمل كما تشاء سواء part time او full time اثناء حملك لفيزا البحث عن عمل حتى لو فى مجال بعيد عن مجال تخصصك لحين الحصول على وظيفه متعلقه بتخصصك
-عشان تستقدم زوجتك الى النرويج و انت تحمل فيزا طالب , لازم يكون معاك ضمان مالى على الاقل 254 الف كرونه و سنك اكتر من 24 سنه و فيزتك الدراسيه متبقى فيها اكتر من سنه
-لو انت كان معاك زوجتك و اولادك اثناء الدراسه و محتاج تقدم على فيزا بحث عن عمل من الممكن انك تقدملهم على تمديد اقامتهم ايضا .
-سنوات الاقامه فى النرويج بصفة طالب لا يعتد بها عند التقدم للحصول على اقامه دائمه ( يلزمك الاقامه 3 سنوات فى النرويج للحصول على اقامه دائمه)
دلوقتى هتكلم عن الدراسه و هى طريقه من أهم الطرق فى رأيى و أسهلها لدخول البلد و تمهيدا للاستقرار فيها .
.
.
أولا ليه اصلا ممكن تفكر تدرس فى النرويج ؟
1- الدول الاسكندنافيه كلها و النرويج احداها بتتمتع بنظم تعليميه متطوره و تعتبر من أفضل نظم التعليم على مستوى العالم
2- بعض التخصصات فى الجامعات النرويجيه تعتبر من أفضل البرامج فى اوروبا و أفضل من نظيراتها فى اى جامعه اوروبيه اخرى
3- الميزه الاكبر و اللى ممكن تجذب أى حد و تخليه يغير وجهته الدراسيه و يتجه الى النرويج هى ان التعليم الجامعى مجانى لاى شخص من اى بلد فى العالم .
4- التعليم فى النرويج هيأهلك للحصول على وظيفه فى سوق العمل النرويجى و بالتالى الاستقرار هناك فى البلد و ممكن بعد كدا تقدم على اقامه دائمه و بعدين جنسيه
5- توفر برامج الدراسات العليا ( الماجستير و الدكتوراه ) باللغه الانجليزيه فى معظم التخصصات ( طبعا الى جانب البرامج باللغه النرويجيه )
6- بعض الجامعات ممكن تمنحك قبول مشروط و تقعد سنه هناك تتعلم اللغه الاول و بعدين تبدأ فى البرنامج اللى عايز تدرسه فى حالة اذا كان برنامج بكالريوس
7- الحصول على تأشيرة طالب فى النرويج يؤهلك للعمل Part time بصوره قانونيه لمدة 20 ساعه اسبوعيا فى ايام الدراسه , و بشكل full time فى ايام الاجازه و ده هيساعدك طبعا انك توفر مصاريف معيشتك
8- بعد الانتهاء من دراستك ممكن تقدم على فيزا بحث عن عمل و دى مدتها سنه كحد أقصى و بالتالى مش مجبر ترجع بلدك بعد ما تخلص تعليمك لكن بيبقى قدامك فرصه للبحث عن عمل و بمجرد ما تلاقى وظيفه تقدم على اقامه عمل
9- عدد كبير من برامج البكالريوس مدتها 3 سنوات فقط ( حتى برامج الهندسه اللى بتدرس فى 5 سنوات فى مصر بتدرس فى 3 سنوات فى النرويج )
10- ممكن تقدم لاسرتك ( زوجتك و ابناءك ) للحصول على فيزا اثناء دراستك هناك لكن بشروط
.
.
فى المقابل ايه هى العيوب اللى ممكن تخلى الواحد يبعد عن التعليم فى النرويج رغم مميزاته ؟
1- عقبة اللغه االنرويجيه , برامج البكالريوس فى النرويج تدرس باللغه النرويجيه ,
2- حتى لو هتدرس ماجستير أو دكتوراه باللغه الانجليزيه , انت يلزمك حد أدنى من تعلم اللغه النرويجيه عشان تعرف تتعامل مع الناس هناك
3- عقبة مستوى المعيشه , صحيح التعليم مجانى لكن مستوى المعيشه مرتفع جدا حيث أن النرويج لديها أعلى مستوى معيشه فى العالم و ده هيتطلب تكلفه معيشه و مصاريف شخصيه مرتفعه ,
4- عشان تقدم فى جامعه نرويجيه يلزمك ضمان مالى بمقدرتك الماليه انك تقدر تتكفل بمصاريفك الشخصيه و مصاريف معيشتك لمدة سنه واحده على الاقل يتم ايداعهم فى حساب مغلق , و بدون الضمان المالى لا تستطيع الحصول على الفيزا , الضمان المالى يكون بمبلغ 104 ألف كرونه نرويجيه هى دى مصاريفك الشخصيه لمدة عام واحد و يجدد كل عام طول فترة دراستك ,
يعنى لو هتدرس ماجستير سنتين المفروض تجيب اثبات مالى ب 104 الف كرونه فقط و تاخد تأشيرة طالب و تكرر نفس الموضوع فى السنه الثانيه لدراستك و تجيب اثبات ب 104 الف كرونه مرة تانيه و ليس ب 208 ألف كرونه من اول مره
( 104 الف كرونه يساوى تقريبا 12400 دولار امريكى )
.
.
طيب يعم انت دلوقتى طلعت مشاكل كتير فى الموضوع و كده الموضوع بقى صعب و معقد , لا طبعا المشاكل دى كلها ممكن التغلب عليها لكن كان واجب انى اقولها علشان تبقى الصوره كامله من ناحية الايجابيات و السلبيات
كيفية التغلب على عقبات الدراسه فى النرويج
1-عقبة اتقان اللغه النرويجيه بالمستوى اللى يؤهلك للدراسه بيها ممكن تتحل بالبحث عن جامعه تديك قبول مشروط و بتدرس سنه هناك تتعلم فيها اللغه النرويجيه بعدين تدرس البرنامج اللى انت مقدم عليه , او بتعلم اللغه اونلاين او من خلال المركز الثقافى السويدى فى مصر
2-عقبة تعلم اللغه فى حالة انك محتاجها بس عشان التعامل مع الناس هناك ممكن تتحل بتعلمها اونلاين او من خلال كورسات لغه لما توصل هناك
3- طبعا العمل part time هيوفرلك مصاريفك الشخصيه كامله و هيمكنك من التغلب على عقبة ارتفاع مستوى المعيشه , و العمل part time ده قانونى 100%
4- للتغلب على موضوع الحساب البنكى ممكن تعمل ايداع بالمبلغ فى حساب فى بنك نرويجى و لما بتاخد الفيزا و توصل هناك بتفتح حساب جديد و الجامعه بتحولك الفلوس كلها لحسابك و انت بتبقى حر فيهم يعنى ممكن تحولهم لأهلك تانى و مفيش مشكله
.
.
طيب دلوقتى خلصنا المميزات و العقبات و اتكلمنا ازاى تتغلب على العقبات , باقى اننا نتكلم عن التقديم للدراسه نفسها
1- أولا تحدد التخصص اللى انت محتاج تدرسه , هتدخل على اللينك ده http://www.studyinnorway.no/ و تبحث ب مستوى التعليم اللى انت عايزه سواء بكالريوس او ماجستير و تشوف ايه الجامعات المتاح فيها التخصص اللى تحب تدرسه
2- هتدخل على موقع الجامعات اللى هتظهرلك فى البحث و تشوف متطلبات كل جامعه , عموما بالنسبه للمصريين لو انت بتقدم على دراسة بكالريوس فا انت لازم تكون انهيت الثانويه العامه المصريه بالاضافه لانك تكون انهيت سنه جامعيه , و لو بتقدم على ماجستير فالمفترض انك تكون انهيت مرحلة البكالريوس و فى بعض الجامعات بتقبل انك تكون فى اخر سنه و تقدم على ماجستير للسنه اللى بعدها بشرط انك تبعتلهم نتيجتك اول ما تخلص و ان كان الموضوع ده تطبيقه صعب من ناحية انك تلحق تخلص الورق
3- طبعا هناك متطلبات لا غنى عنها
.
لمرحلة الماجستير
- امتحان اثبات اللغه الانجليزيه ايلتس او تويفل , ( معظم الجامعات بتطلب ايلتس 6 او 6.5)
-بيان درجات الدراسه الجامعيه باللغه الاصليه و مترجمه انجليزى
-شهادة التخرج من الجامعه باللغه الاصليه و مترجمه انجليزى
- بيان درجات الثانويه العامه باللغه الاصليه و مترجمه انجليزى
- سيره ذاتيه
- Motivational letter بتشرح فيه ليه انت عايز تدرس هناك و ايه اهدافك من التقديم للماجستير
- Recommendation letter من دكتور او اكتر من اللى درسولك فى الكليه بيرشحوك للقبول
- كشف حساب بنكى بما لا يقل عن 104 الف كرونه نرويجيه
.
.
لمرحلة البكالريوس
-بيان درجات الثانوية العامه باللغه الاصليه و مترجمه انجليزى
- اتمام سنه جامعيه
- كشف حساب بنكى بما لا يقل عن 104 الف كرونه نرويجيه
و شوف متطلبات كل جامعه لو طالبين حاجه اضافيه
.
.
بتقوم بمراسلة الجامعه و تشوف طريقة التقديم و مواعيد التقديم , بعض الجامعات بيبقى التقديم اونلاين فقط , و بعض الجامعات بتشترط انك ترسل الورق ليهم .
بتنتظر رد الجامعه و اذا اعطوك الموافقه بتتابع معاهم بالتعليمات اللى بتتضمن تحويل مبلغ الضمان المالى ليك اللى هو 104 الف كرونه لحساب الجامعه هناك و لما التحويل بيتم و يعطوك التأكيد بوصول المبلغ لحسابهم , بتقدم على فيزا طالب فى السفاره النرويجيه و ان شاء الله مقبول .
ملاحظات
- الجامعات متعاونه جدا و بيردوا على الايميلات و الاستفسارات فى زمن قياسى
- مفروض تقنع السفاره انك هتدرس و ترجع بلدك بعد الانتهاء من الدراسه
- لما تنتهى من الدراسه ان شاء الله يحق ليك التقديم على فيزا بحث عن عمل و دى لازم يبقى معاك ضمان مالى قدره 236 الف كرونه مودعين فى حساب بنكى نرويجى , ولو بتشتغل Part time او لديك وظيفه لكنك تبحث عن وظيفه متعلقه اكثر بمجالك ممكن تضمن راتبك من الوظيفه ضمن الضمان المالى ليك
- مدة الفيزا البحث عن عمل سنه كحد أقصى
- يمكنك العمل كما تشاء سواء part time او full time اثناء حملك لفيزا البحث عن عمل حتى لو فى مجال بعيد عن مجال تخصصك لحين الحصول على وظيفه متعلقه بتخصصك
-عشان تستقدم زوجتك الى النرويج و انت تحمل فيزا طالب , لازم يكون معاك ضمان مالى على الاقل 254 الف كرونه و سنك اكتر من 24 سنه و فيزتك الدراسيه متبقى فيها اكتر من سنه
-لو انت كان معاك زوجتك و اولادك اثناء الدراسه و محتاج تقدم على فيزا بحث عن عمل من الممكن انك تقدملهم على تمديد اقامتهم ايضا .
-سنوات الاقامه فى النرويج بصفة طالب لا يعتد بها عند التقدم للحصول على اقامه دائمه ( يلزمك الاقامه 3 سنوات فى النرويج للحصول على اقامه دائمه)