تويت
- حاول تثبت لكل من يقرأ سؤالك انك مش شخص كسول داخل ترمي سؤال جيه في بالك وخلاص من غير ما تلف جوا الجروب الرسمي بتاعنا او المنتدى وتقرأ وتجمع معلومات
- حاول تثبت من سؤالك انك فعلا حد مهتم وبدات في خطوات جديه في موضوع الهجرة او دراسة اللغة وغيره .... بس عندك استفسار في حاجات معينة فشلت انك تلاقي ليها اجابة في الجروب او في الموضوع المثبت .... وتبدء تتكلم في المشاكل اللي بتقابلك وتعرض استفساراتك بالتفصيل ..
==========================
عايز اجابات احترافية علي اسألتك يبقي لازم انت كمان سؤالك يكون احترافي مش تقليدي .. عشان اللي ليه تجربه وخبره كبيرة يتشجع يساعدك ...
==========================
- بلاش الاسئلة اللي توحي لاي حد نفسه يقدم مساعدة انك شخص متكاسل وشخص خامل مستني حد ياخدك من ايدك وخايف تتعب نفسك ... عشان وقتها مش كتير هيردوا عليك ويساعدوك وانت اللي هتبقى خسران ..وهيجيلك احباط وهتتعقد من الاجابات الغير دقيقه او غير كاملة عليك .. وهتخلي اللي عنده خبرة كبيره في مشكلتك وكان نفسه يساعدك ان هو كمان يجيله احباط لان صعب عليه يشرحلك مثلا ازاي تهاجر من الصفر وبالتفصيل او يجاوبك على سؤال اتهرس في الجروب مليون مرة زي مثلا (( ايه هي خطوات الهجرة وازاي اهاجر - ايه الفرق بين الايلتس جينيرال واكاديميك - انه افضل بلد للهجرة ....الخ
كلها اسأله اجابتها موجوده على المنتدى والجروب وتقدر تراجع الرابط ده عليه كل التفاصيل :-
https://www.yallahejra.com/vb/node/1150
مش بقلل من قيمة سؤالك بالعكس كده او كده هيتم نشره بالجروب بس عايزين شوية ايجابية منك ... الهجره عايز تعب وصبر واصرار - لازم تشجع كل الناس انها تتجاوب معاك وتساعدك لازم تثبت انك مش كسول وموضوع الهجرة في دماغك بجد .
وصباح الفل عليكم
موفقين ان شاء الله