بسم الله الرحمن الرحيم
أقدم لكم إن شاء الله المختصر المفيد بخصوص تقييم الشهادات التعليمية من أجل الهجرة إلى كندا عبر موقع WES
أولا
أقدم كل الشكر للأخوة أعضاء المنتدى الذين لم يبخلوا بمعلومة على أحد و أستفدت كثيرا منهم ويشرفني اكون عضوة وسطيهم ونفيد ونستفيد علي قد ما نقدر ان شاء الرحمن .
فشكرا جزيلا لكم
ثانيا لية WES مش غيرة
علشان WES أسرع فى التقييم عن أى مكان تانى على حسب كلامهم بياخد 20 يوم عمل و مافيش مكان تانى أسرع منه
كمان مصاريف WES مش غالية يعنى دى التكلفة بالظبط (للشحن العادى)
Standard Delivery Standard Delivery $7.00
Educational Credential Assessment (ECA) Package $200.00
Harmonized Sales Tax (HST) $26.91
Total
$233.91
إنما لو هتختار الشحن السريع تقريبا فى فرق 70 دولار كندى
بسم الله نبدأ
المرحلة الأولى (تجهيز الأوراق)
المرحلة دى أتهرست كلام فى موضوع ( مغامرات ختم ظرف الشهاده لل WES ) علشان كدة هجيب المختصر المفيد فيها
المطلوب لكل شهادة (بكالوريوس - ماجستير - دكتوراة)
هتكلم عن الماجستير للتوضيح:
صورة شهادة البكالوريوس باللغة الإنجليزية
بيان درجات الدراسة فى كل السنوات باللغة الإنجليزية
إذا كانت الكلية أو المعهد لا يصدر شهدات إنجليزية (عربى فقط) فى الحالة دى نقوم بترجمة الشهادة عن أى مكتب ترجمة بنفس ترتيب و تنسيق الشهادة الأصلية (لأنهم بيقارنوا الترتيب بين الأصل و الترجمة)
إذا كان فى شهادات أخرى (ماجستير-دكتوراة) بنجهز نفس الأوراق لها بنفس الطريقة
المرحلة الثانية (التسجيل فى موقع WES)
أولا قم بالدخول على هذا الرابط
https://www.wes.org/ca/eca/
تابع الصور
المختصر المفيد بخصوص تقييم الشهادات التعليمية من أجل الهجرة إلى كندا عبر موقع WES
ثم نقوم بتعبئة البيانات الأساسية كما هو موضح
ثم نقوم بإدخال بيانات الشهادات الدراسية المطلوب تقييمها
ملحوظة: يمكنك إدخال عدة شهادات لتقييمها كما أن سعر التقييم ثابت مهما كان عدد الشهادات (بناء على تجارب الأعضاء)
ثم تظهر هذه الصفحة بها التكلفة الأساسية التقييم
الأن يطلب منك أختيار نوعية الشحن المناسب لك لإيصال شهادة التقييم الصادرة منهم
هذه صفحة مراجعة الطلب الخاص بك بها كل بيانات طلبك و نوع الشحن الذى أخترتة و التكلفة الإجمالية
قم بإختيار طريقة الدفع المناسبة لك
ثم Submit Application و سوف يحولك للصفحة المناسبة لطريقة الدفع التى قمت بأختيارها
ملاحظة :
يمكنك فى فى أى وقت أختيار Save and Return Later إذا أردت حفظ ما وصلت له و العودة مرة أخرى دون فقدان بياناتك التى قمت بإدخالها
نتابع
بعد أن تقوم بعملية الدفع سوف تظهر لك صفحة بها Reference No. الخاص بك و الأوراق المطلوب إرسالها و عنوان WES لإرسال الأوراق علية
أحفظ هذه الصفحة للأهمية (أطبعها أو أحفظها PDF أو صور أى طريقة متاحة)
بعده ذلك قم بتسجيل الدخول إلى حسابك من هنا
https://www.wes.org/appstatus/indexca.aspx
سوف تجد رقم الطلب الخاص بك و حالة الطلب كما موضح
و دة فيديو بتاعهم بيشرح الحساب
المرحلة الثالثة (إرسال الأوراق)
الشكل دة ملخص التلاخيص بيوضح طريقة ترتيب الأوراق داخل ظرف الشحن
بعد ماترتب الورق بالطريقة السابقة هتروح مكتب البريد الرئيسى بالعتبة و تقولة عاوز أبعت الأوراق دى عن طريق خدمة EgyMail هياخد منك الأوراق و يحطها فى ظرف الشحنة و يعطيك ورقة قم بملئ البيانات بها (أسمك وعنوانك ورقم تليفونك و عنوان WES بالتفصيل) بعد كدة هياخد منك الورقة و يدخل البيانات على النظام و بعد كدة بتاخد رقم تتبع من EgyMail تستنى يوم أو أتنين و تتصل بهم على الرقم المختصر 16789 و تقولة على رقم التتبع هيديك رقم تتبع جديد للشحة عن طريق DHL و دة اللى تشك علية من خلال موقع dhl.com لحد ماربنا يسهل و توصل بالسلام إن شاء الله
بعد ماتوصل الشحنة لـ WES هتنتظر كام يوم و بعد كدة هتلاقى حالة الطلب أتغيرت كما بالصورة
كدة كل اللى عليك انك تنتظر حتى يتم التقييم و عند الإنتهاء هتلاقى كاتبين لك فى الحالة بانة تم التقييم و لما تدخل فى معلومات الطلب بتاعك هتلاقى انة تم ارسال الشهادة بناء على نوع الشحن اللى انت أختارتة
كدة أكون خلصت الموضوع و إن شاء الله تكون معلوماتى صح، أنا واخد معلومات من بعض الأخوة سبقونى فى الموضوع دة و عن تجربتهم
بنشكر اخونا الغالي فهد علي مبادرته الطيبة جزاه الله عنا كل خير
بالتوفيق لاعضاء منتدانا واي سؤال حاضرين ان شاء الله
-------------------------------------------------------------------------------------
تعليق