تويت
لأول مرة علي منتدانا ..السفر لإنجلترا للصيادلة
نقلا عن د.عبد العزيز مسعد
السلام عليكم
السفر لإنجلترا للصيادلة
كنت عملت بحث مكثف عن وظائف في انجلترا للصيادلة لصديق لي وجمعت شوية معلومات حبيت أشاركها معاكم
فيه 3 أنواع مختلفة من وظايف الصيادلة في المملكة المتحدة زي مصر بالظبط :
1 صيدلي الرعاية الأساسية ( التكليف ) زي الوحدات الصحية في مصر
صيدلي الرعاية الأساسية ممكن يشتغل علطول مع دكتور جي بي كصيدلي ممارس أو يشتغل في PCT في انجلترا
أو في LHB في ويلز
2 صيدلي في صيدلية خاصة زي الصيدليات الخاصة في مصر
3 صيدلي في مستشفى
في معظم الأحيان بيكون معاك فني صيدلي ومساعد صيدلي
== خطوات التسجيل كصيدلي ممارس في انجلترا ==
طريق الصيادلة طويل وشاق مقارنة بطرق الأطباء البشريين ويحتاج مجهود كبير وعزيمة قوية .
التسجيل بيكون في RPSGB ( دا زي ال GMC للأطباء ) والتسجيل في 3 خطوات :
أولا OSPAP
ثانيا : فترة تدريب ( امتياز)
ثالثا : اختبار في آخر فترة التدريب
== أولا : OSPAP ==
دا عبارة عن دبلومة مدتها سنة ( أو 9 شهور ) مطلوبة من كل الصيادلة من خارج الاتحاد الأوروبي . عشان تبدأ الدبلومة دي لازم تكون خلصت كلية الصيدلة ( عادي أو كلينيكال ) .. لو لسه طالب مش هينفع
انت بتقدم طلب لل GPhC معاه المستندات دي :
1- شهادة تخرج اصليه
2- شهادة الايلتس أو ما يعادلها
3- صوره شخصيه
4- صوره من جواز السفر
5- السي في الخاص بك
6- دفع الرسوم 687 استرليني
7- نسخه من (بيان درجات) أو (بيان حاله) موضح درجاتك في سنين الكلية ( لازم الكليه اللي تبعته مباشرة مش انت )
8- خطاب حسن سير وسلوك من النقابه وخطاب انك عضو فيها (لازم النقابه تبعته مباشرة مش انت )
9- خطابين توصية على الأقل من دكتور في كليتك أو عميد الكلية أو مديرك في الشغل ( مدير الاداره الصحيه لو شغال تكليف ) لازم يتبعت عن طريقهم هم
بعد ما تقدم الابلكيشن وتستلم الموافقه عليه هتروح تقدم في جامعه من الجامعات المعتمدة في انجلترا اللي بتدي الدبلومه
الجامعه مش هتطلب حاجه زياده عن ال GPhC
الكورس دا بيبدأ في شهر سبتمبر أو أكتوبر كل سنة في جامعات محددة في انجلترا وكل جامعة بتاخد عدد محدود كل سنة والمتطلبات قد تختلف في بعض الجامعات لكن بشكل عام المطلوب للجامعات كالتالي :
1 شهادة تخرج من جامعة معترف بها (معظم الجامعات في الدول العربيه معترف بها )
2 دليل على اتقانك اللغه الانجليزيه و دي حاجه من تلاته : اما انك تاخد ايلتس أكاديمي (7 في كل جزء و 7 مجموع) حتى لو شهادتك في الايلتس منتهيه وعدت عليها سنتين هتتقبل وإما دليل انك درست في بلد لغتها الرسميه الانجليزيه وإما دليل انك اشتغلت سنتين في بلد لغتها الرسميه الانجليزيه
3 طلب Application منك عليه موافقة المجلس الطبي الصيدلي GPhC
تكلفة الدبلومة : من 7000 إلى 11800 استرليني حسب الجامعه ( شاملة الأدوات المستخدمة في الدراسه والإقامه ) ... بعض الجامعات تقدم منح للحصول على الدبلومه مجانا أو بتخفيضات كبيره
محتوى الدبلومة : تدرس اساسيات الصيدلة وحاجات كلينيال متقسمه في 7 موديول
Scientific Basis of Pharmacy Practice
Applied Therapeutics
Advanced Drug Delivery
Advanced Professional Studies
Health Promotion for Pharmacists
Inception to Market
Pharmaceutical Skills
بعد ما تخلص الدبلومه يحق لك بدء سنة التدريب
=== ثانيا : سنة التدريب pre-registration training ===
- عبارة عن سنة ( من 45 الى 52 اسبوع ) تدريبيه تحت اشراف دكتور صيدلي في أماكن مخصصه للسنه دي والدكتور المشرف عليك هيقيمك 4 مرات في السنه دي كل 13 اسبوع ولازم يكون تقييمك كويس في 3 مرات ع الأقل عشان تقدر تدخل اختبار التسجيل في اخر السنة ولو تقييمك مش كويس هتضطر تاخد 26 اسبوع تدريب زياده
- ممكن تاخد السنه دوام كامل Full-time يعني تحضر من 35 ل 45 ساعه في الاسبوع أو تاخدها دوام جزئي part-time يعني تحضر 17 ساعه في الاسبوع لو هتشتغل السنه دي وانت هناك
- كمان ممكن تاخد 13 اسبوع من السنه دي في اي دوله من دول الاتحاد الاوروبي
- لازم تنهي السنة التدريبيه خلال 3 سنين من بعد دبلومة OSPAP
- ممكن تحضر السنه كلها في صيدليه واحده أو تقعد 6 شهور في صيدليه خاصة و6 شهور في صيدلة مستشفى أو ممكن تاخد 4 شهور في شركة أدويه والباقي في صيدليه
=== ثالثا : اختبار التسجيل The registration assessment ===
دا عباره عن امتحان ورقتين في اخر سنة التدريب ( ممكن تدخل الامتحان بعد 39 اسبوع من سنة التدريب بشرط ان تقييمك في ال3 مرات يكوت كويس) وليك 3 محاولات عشان تنجح فيه . الامتحان مرتين كل سنه في يونيو وسبتمبر في معظم مدن انجلترا
- الورقة الأولى مدتها ساعتين و الأسئله فيها 40 سؤال عباره عن مسائل calculations ومسموح لك استخدام آله حاسبه
- الورقة التانيه مدتها ساعتين ونص فيها 120 سؤال الاسئله mcq وفي بريك ساعتين بين الورقتين
- نتيجة الامتحان بتظهر بعد 4 اسابيع ع الموقع الرسمي
- محتوى الامتحان = الورقه التانيه زي ما درست في الكليه بس بيركز بشكل كبير على Cardiovascular system Nervous system Endocrine system Infection وكمان ال High-Risk Drugs زي antibiotics
anticoagulants antihypertensives chemotherapy insulins antidiabetic drugs parenteral drugs drugs with a narrow therapeutic index non-steroidal anti-inflammatory drugs methotrexate opiates
- الورقه الاولى كلها calculations زي حساب الجرعات وكدا doses and dose regimens
dosage and unit conversions estimations of kidney function displacement volumes and values concentrations dilutions molecular weight using provided formulae infusion rates
pharmacokinetics health economics quantities to supply
=== التسجيــل Registration ===
مجرد ما تنهي الامتحان ممكن تقدم أبلكيشن التسجيل (حتى قبل ظهور النتيجه ) وتدفع الرسوم 150 استرليني والرد هيجيلك بعد النتيجه انك خلاص بقيت Registered Pharmacist in the UK وتقدر تدخل على موقع ال NHS وتشنغل
وتبدأ التدرج الوظيفي صيدلي ممارس ثم صيدلي أخصائي ثم صيدلي مدير ثم صيدلي استشاري
راتب الصيدلي الممارس باند 6 ( يعني من 26 الى 35 الف استرليني )
راتب الصيدلي الأخصائي باند 7 ( يعني من 30 الى 40 الف استرليني )
راتب الصيدلي المدير باند 8C ( من 40 الى 60 الف استرليني )
راتب الصيدلي الاستشاري باند 8D ( من 40 الى 75 الف استرليني )
-----------------------------------------------------------------