تويت
25:50% من الناس بيحسوا الإحساس دا
الأمر مش متعلق بعدد الساعات الي بنشتغلها، ولكنه متعلق بحقيقة أننا بنمضي الكثير من الوقت في التنقل بين كذا حاجة في نفس الوقت.
عشان نشتغل صح لازم يكون لكل واحد فينا نقطة بداية ونقطة توقف لعمله وحدود يضعها لنفسه. المشكلة في أن التكنولوجيا جعلت الخطوط بين هذه الحدود غير واضحة.
أي مكان بتروحه هتلاقي الشغل وراك وراك بسبب وجود الأجهزة الحديثة وسهولة الوصول ليك.
لو جيت تبص هتلاقي أنك بترد على الإيميل بتاعك في أي وقت حتي لو أنت في اجتماع. وبتاخد اللاب توب بتاعك وتعمل نفسك بتشتغل وكلنا عارفين أنك فاتح الفيسبوك أساسا. حتى الغدا بتتغدي وأنت في شغلك على مكتبك، بتتكلم في التليفون وأنت سايق وبتبعت رسايل وأنت عارف كويس أن دا خطر.
كل هذا بيؤثر على إنتاجيتك، فأنت بتشتت انتباهك فلا تتفاعل بشكل كافي في كل نشاط بتعمله، ولا بتركز على نشاط واحد بس. ولأنك يتبدل بشكل مستمر ما بين المهام فدا بيزيد من الوقت المستغرق للانتهاء من هذه المهام بنسبة 25%.
مش بس كدا المشكلة كمان أنك هتلاقي نفسك بتعمل دايمًا حاجة ومشغول، وبتبذل طاقة كبيرة وف الآخر هتلاقي أن طاقتك المبذولة أكبر بكتير من الي بتحققه.
عشان كدا وعن تجربة شخصية بقولك ركز في حاجة واحدة بس، أمسك مهمة واحدة بس ركز عليها دون التعرض لأي مشتتات لمدة معينة من الوقت، و بعدين خد راحة بجد ويفضل تكون بعيدة عن المكان الي بتشتغل فيه.
- أما لو كنت مدير أو صاحب شركة ف دي بعض الاقتراحات الي ممكن تطبقها في شركتك:
قلل مدة اجتماعاتك إلى 45 دقيقة بدلًا من ساعة، دا هيخلي الحضور مركزين معاك أكتر، بعد ال 45 دقيقة بالظبط خد راحة وفكروا كويس في مجمل الي اتقال في الاجتماع وبعد استراحة قصيرة كملوا الاجتماع تاني.
ابدأ الاجتماع في معاد محدد دائمًا وانهيه في معاد محدد بردو، ونبه على كل الي في الاجتماع يقفلوا موبايلاتهم وأي حاجة معاهم ممكن تشتتهم.
أطلب من الناس الي بتشتغل معاهم يقفلوا الايميلات بتاعهتم وقت الشغل، أو لمدة معينة أثناء الشغل.
ولو احتجتهم في موضوع عاجل أو مهم ممكن تتصل بيهم مش لازم كل حاجة تتم عن طريق الإيميل. وهتلاقي أنه نادرا ما هيحصل دا أصلا.
أدي لموظفينك الفرصة إنهم ياخدوا أكتر من استراحة في اليوم، وخليهم يتوقفوا عن العمل تماما ف الإستراحة دي، كمان شجعهم يخرجوا يتمشوا شوية المهم يخرجوا من المكان الي بيشتغلوا فيه.
- أما بالنسبة للأفراد ف دي النصايح الي ممكن يتبعوها:
رتب أولوياتك وأعمل الحاجات المهمة في أول اليوم، ركز على الحاجة دي لوقت معين من 60:90 دقيقة، وحدد وقت معين تبدأ فيه ووقت معين تنتهي فيه.
حاول تخلي ليك مكان مخصص تشتغل فيه، أو أشتغل بسماعات عازلة للصوت.
أهم حاجة تحاول تقاوم نفسك متستسلمش قصاد المشتتات، كل ما تعود نفسك أن أنت تقاوم كل ما هيبقي أفضل ليك ووجود وقت محدد تنتهي فيه من الشغل هيساعدك أكتر.
أما تحب تفكر في حاجة بشكل مختلف أو توصل لفكرة معينة غير المكان الي بتشتغل فيه دايما.
روح أي workspace أو أي مكتبة أو كافيه أو أي مكان هادي تعرف تفكر فيه بشكل مختلف.
خد إجازة بجد من فترة للتانية، وإجازة بجد يعني تفصل نفسك عن الشغل تماما.
حاول تخليها أكتر من مرة في السنة، وبردو إجازات في نهاية الأسبوع.
الدراسات أكدت أن طول ما أنت بتاخد إجازتك بجد، طاقتك هتبقي أعلي لما ترجع الشغل تاني.
كل هذه الطرق قائمة على فكرة واحدة وهي أنه لما عندما تبدأ تشتغل أحرص على صب تركيزك على حاجة واحد بس، ولمدة محددة من الوقت. وعندما تأخذ فترة استراحة خذها بجدية. يا أبيض يا أسود.