السلام عليكم
بمناسبة وصل عدد أصدقاء شبكتنا لـ ربع مليون مشترك و عقبال بإذن الله ما نوصل ل 100 مليون.
حبينا نقدم ليكم هدية و هي خطة دراسه لمذاكرة ال PTE هو الأمتحان البديل للأيلتس بالنسبه للهجره لأستراليا و المطلوب أيضا من بعض جهات التقييم مثل المحاسبين و غيرهم
قبل شرح الخطه عاوزين نوضح كام نقطه مهمه
1- ال PTE الأكاديمي فقط هو المقبول
2- ال PTE أمتحان لغه زيه زي ال IELTS و باقي الأختبارات الأخرى فلازم يكون عندك أساسيات اللغه.
3- أمتحان ال PTE مش أسهل من إمتحان ال IELTS ولكن مميزاته أفضل من ال IELTS
4- مينفعش تدخل الأمتحان زي عنتر شايل سيفه لازم تستعد له كويس جداا
5- لو أنت عارف طريقة أمتحان الأيلتس و مدرب عليها فطريقه إمتحان ال PTE مختلفه و لازم تدرب عليها
6- أنت طبيب نفسك في درجة أجادتك للغه و أنت الوحيد القادر على وضع الخطه الزمنية لنفسك فرجاء متسمعش كلام من قبيل " تمكن من ال PTE في 7 أيام" او "خطه لمدة شهر تمكنك من إجتياز ال IELTS و ال PTE و الحواجز و العقبات و تنط من فوق السطح و تمشي على الحيط" لو فضلت وراء هذا النوع من الدعايات فلن تنجز شيئا
سؤال ممكن يخطر على بالك ليه ال PTE مكنش واخد أهميه زي ال IELTS ؟
جواب السؤال كالتالي:
1- ماتريال ال PTE كانت محدوده جدا بالمقارنه بال IELTS
2- قلة الأماكن التي كانت تقوم بتدريس ال PTE
3- عدم فهم خبايا و تركات الأمتحان
4- تم الأعتراف بيه مؤخرا في الهجره لأستراليا
5- أغلب الجامعات العالمية بتطلب ال IELTS للدراسات العليا
6- عدم الأعتراف بيه في الهجره لكندا
سؤال تاني ممكن يخطر على بالك أيه المميزات الموجوده في ال PTE ألي تخليني أسيب ال IELTS و أروح عليه ؟
جواب السؤال التالي:
1- ال PTE أختبار يتم عن طريق الكمبيوتر فالعامل البشري في التقييم مختفي تماما خاصة في قسم ال Speaking و ال Writing - في ال IELTS ممكن تكون جايب في مره مع ممتحن في ال Speaking باند 7 في مره و المره التانية مع نفس الممتحن تجيب 6 و هكذا في ال Writing
2- الغلطة في ال IELTS في سؤال لا يمكن تعويضها و ممكن تفرق في باند كامل
تخيل مثلا أنك غلطت في كتابه كلمه أو حرف في سؤال ال Listening فالسؤال بيعتبر غلط و بتخسر نقطه - الكلام ده مش موجود في ال PTE بالبلدي كده في ال PTE بتعرف تعوض و تلم درجات و ده على عكس ال IELTS الغلطه فيه تودي ورا الشمس
3- موضوع قلة الماتيريال في ال PTE شبه أنتهت و الماتريال بقت متوفره و متاحه سواء كانت فديوهات أو كتب و أمتحانات (فيه مفاجأت هنقول عنها)
4- ظهور أماكن كتير بتقوم بتدريس ال PTE و خاصة ال Online
5- نتيجة الأمتحان بتظهر في خلال من يوم ألي خمس أيام غير ال IELTS بعد 15 يوم
6- لو حسيت أنك معملتش كويس في الأمتحان أو النتيجه ظهرت تاني يوم مش كويسه تقدر تحجز أمتحان تاني بعد 5 أيام من ظهور النتيجه
7- دلوقتي بقى معروف أيه هيا الأسئله المهمه و الأقل أهميه في كل جزء من أجزاء الأمتحان
طيب أيه الخطه و الماتريال ألي هنعتمد عليها بعد المولى عز و جل
أولا: لازم تعرف كويس الأمتحان عباره عن أيه عامة و ما هي خطواته و كيفية التعامل مع جهاز الكمبيوتر و برنامج الأمتحان - أفضل مكان تعرف منه الموضوع هو الموقع الرسمي ل
https://pearsonpte.com/the-test/format/
ثانيا: عاوز مدرس يشرح ليا كل قسم في الأمتحان و ايه المطلوب في كل سؤال و إزاي أحل السؤال علشان أضمن أحقق فيه درجه عالية - بصراحة مفيش أحسن من E2Language على النت و علشان نوفر عليك عناء البحث عن الفديوهات جمعنا كل فديوهات E2Langouage و قسمناها حسب كل أختبار و حطناهم في اللنك ده
https://l.facebook.com/l.php?u=https...MoQiSvtW3gtFRo
المطلوب منك أنك تسمع كل فديوا مره و أثنين و ثلاثه و تدون الملاحظات
ثالثا: أنت كده بقيت تمام و عرفت الأمتحان و عرفت تجاوب عليه إزاي فبقيت عاوز ماتريال تدرب عليها و هنا تظهر المفاجأة و هديتنا لأعضاء الصفحة الكرام وهي منقسمه لقسمين
ا- أكبر مكتبه لماتريال ال PTE ممكن أن تتخيلها و موجوده في الرابط ده
https://l.facebook.com/l.php?u=https...4g9xMNs4E83cmC
اللنك كمان في خطة أو جدول ممتاز لتقسيم ساعات الدراسه مقدم من E2Language و بصراحه في غاية الروعه
2- المفاجأة الثانية و هي الأهم - أكبر Quations Bank لل PTE فيه جميع الأسئله المكرره في الأمتحانات الحقيقة وفيه أكثر من 400 صفحه مقسمه على أريع ملفات PDF موجودين في الرابط ده
https://l.facebook.com/l.php?u=https...wMDKJw2-OCMblh
نصيحة أخويه متفتحش الملفات دي قبل ما تنتهي من الخطوات السابقة الأول و بتمكن
رابعا: خلصت كل الخطوات ألي فاتت و عاوز أجرب نفسي في إمتحان بس يكون فيه تقييم علشان أعرف المستوى بتاعي - تقدر تشتري من على الموقع الرسمي أمتحانين بس نصحتي ليك أمتحن واحد الأول علشان تحكم على نفسك الأول و بعدين أمتحن التاني بعد متكون أشتغلت على تحسين أخطائك و حاول تمتحنه قبل الأمتحان بتاعك بأسبوع
موقع الأمتحانات هو
https://ptepractice.com/
خامسا: عاوز برنامج على الموبيل تقدر تتدرب على الأمتحان عليه في وقت فراغك أو و أنت في المواصلات أو خارج بره البيت يبقى مفيش قدامك غير البرنامج ده و يفضل إنك تشتري النسخة الكامله منه - لنك البرنامج كالتالي
https://pteapp.pineapplestudio.com.au/
نصيحه مهمه: متستخفش بأمتحان ال PTE و أديه حقه في المذاكره زي ال IELTS
لو أنت من الناس ألي بتدور على أسكور 7777 يبقى فكر في ال PTE
أسكور 65 من 90 في ال PTE = أسكور 7777 في ال IELTS
أسكور 79 من 90 في ال PTE = أسكور 8888 في ال IELTS
بالتوفيق بإذن الله و السلام عليكم و رحمة الله و بركاته
================================================== ========
تعليق