تويت
ازاي وليه اعمل اعلان قانوني؟ statutory declaration... وتجربتي
ازاي وليه اعمل اعلان قانوني؟ statutory declaration... وتجربتي
اكتر اجابة ع الموقع للأسئلة الكتيرة بخصوص تحضير الاوراق واثبات الوظيفة اجابتها انك تعمل
statutory، declaration ،
واكتر سؤال بيتسأل هو ايه هو ال statutory declaration او الاعلان القانوني
الاعلان القانوني ده حاجة موجوده في القانون الاسترالي وليه عدة استخدامات للمهاجرين منها اثبات
العلاقة مثلا وده بيتعمل لو المهاجر عايز يصطحب خطيبته او صديقته ، او اثبات سنوات الخبرة وده محل
المناقشة في البوست ده. اول خطوة هتحجز اونلاين السفارة بالقاهرة
https://my.setmore.com/bookingpage/7...2-77ccb7f14dcc
خللي بالك الخدمات دي بتقدم يوم الاتنين والاربعاء من 9 ل 12 ولازم تلتزم بالمعاد اللي حجزته عشان لما
الدنيا بتتزحم وانت متأخر هيأخروا دخولك لغاية ما كل اللي موجود يخلص
مقابل 20 دولار استرالي (الدفع نقدا بالجنيه المصري او الدولار الاسترالي تقدر تعمل الاعلان القانوني
ده، ولو الورق ده مطلوب منك في مرحلة ما بعد الانفيتيشان، فانت بحسابك بتاع immiaccount هتروح
وتعمل الورق المطلوبمنك مجانا
ايه هو الاعلان القانوني؟ لو انت في حاجة مش قادر تثبتها لسبب ما (التأمينات في مصر مثلا) او عندك
مشكله في دقة المعلومات الموجودة، بتجيب شخص ما (في حالة التأمينات بيبقى زميلك او مديرك)
وبيقدم اقرار قانوني بالمعلومات اللي عايز تذكرها، وبيمضي عليها شخص له صفة انفاذ القانون في
استراليا (في حالة السفارة بيبقى القنصل)، الورقة دي مش بتحل محل شهادة التأمينات وليست مستقلة
بذاتها، لكنك بتستخدمها كمكمل لورقك، زي ما هو مكتوب على موقعهم، الورقة دي بيتم النظر لها في
سياق كل الاوراق اللي مقدمها وبروفايلك
خللي بالك تقديم اي معلومات خاطئة هيعرضك لرفض الفيزا وملاحقتك انت واللي عامل الاعلان (زميلك)
قضائيا
تجربتي :
اثناء عمل المعادلة واثبات سنين الخبرة أحد الشركات اللي اشتغلت فيها ( 2006-2012) كان ورقة الخبرة
والتأمينات فيها عدة مشاكل:
1. بدون ذكر المهام الوظيفية ، او اذا كان full time او عدد ساعات العمل
2. الشركة لما اشتغلت فيها ف 2006 كانت مصرية اشتريتها شركة اجنبية في 2009... فورقة اثبات الخبرة
كانت على ورق الشركة الاجنبية بتقول اني كنت شغال في الشركة المصرية (بداية التعاقد) في احدى
المصانع اللي اسمها (كذا)، التأمينات بقى كان فيها اسم رابع وهو الاسم المستخدم في التأمينات
3. الوظيفة في التأمينات كانت مهندس ميكانيكا وعلى خطاب الخبرة كان رئيس قسم انتاج
4. اختلاف ايام بين جواب الخبرة وشهادة التأمينات في مواعيد بداية العمل ونهايته
احضرت زميل (مازال يعمل هناك) وقدم جواز سفره وبزنس كارد وكتب كل التوضيح للنقط المذكورة عاليه
ومضى هو والقنصل والحمد لله حصلت على المعادلة وتم اثبات كامل المدة .
ملاحظة: قبل ما اروح كنت مالي الفورم وممضي زميلي عليها، لكن القنصل طلب انزميلي يكتبه بخط ايده
ويمضي قدامه، وأصر انه يتكلم معاه كلمتين بالانجليزي عشان يتأكد انه عند القدرة انه يكتب الكلام من
دماغه ده شكل الفورم
https://www.ag.gov.au/Publications/D...rationform.PDF
لمزيد من الاسئلة، اتفضل اسأل
تعليق