تويت
فيزا البحث عن عمل او الفيزا الوطنيه هى فيزا بتسمح بالبقاء فى المانيا لفتره اكتر من 90 يوم لغايه 180 يوم.
على بركه الله اول خطوه
شروط الحصول على الفيزا
1- الطلب او الابلكيشن بيتم كتابه الطلب بكل دقه هيكون فى رابط لكل ورقه او خطوه هتعملها.
2- تعهد بالالتزام بقوانين الفيزا الرابط بالاسفل.
3- جواز سفر صالح يحتوى على صفحتين فاضيين على الاقل.
4- صوره شخصيه.
5- صور عن اى تأشيرات المانيه او تاشيرات شنجن سابقه ان وجد.
6- سيره ذاتيه باللغه الالمانيه او اللغه الانجليزيه.
7- شهادات الخبره للعمل السابق.
8- شهاده التخرج من جامعه المانيه او شهاده من جامعه مصريه معترف بيها هنشرح ازاى تعرف اذا كانت الشهاده معترف بيها فى خطوه منفصله.
9- اثبات وجود سكن فى المانيا او خطاب بالتزام صديق او قريب بانه متعهد بتوفير سكن ليك فى المانيا.
10- اثبات القدره الماليه عن طريق
1- التزام شخص قريبك بانه هيتحمل كافه مصاريفك فى المانيا .
2- او فتح حساب بنكى مغلق باسمك فى المانيا وهنشرح ازاى تفتح حساب فى المانيا بالتفصيل.
11- رساله الحافز وهى رساله هتكتبها وهتكتب فيها اسباب اختيارك وخطتك لايجاد وظيفه فى المانيا مكونه من صفحه واحده باللغه الالمانيه او الانجليزيه.
12- تامين صحى لفتره الاقامه فى المانيا وده بيتقدم من يوم الموافقه على الفيزا يغطى فتره الاقامه.
شروط اضافيه علشان تقوى موقفك
تعلم اللغة الألمانية بما يعادل المستوى A2
رابط الطلب او الابلكيشن
https://kairo.diplo.de/blob/1587304/...u-ara-data.pdf
رابط التعهد بالالتزام بقوانين الفيزا
http://www.kairo.diplo.de/contentblo...engenvisum.pdf
رابط موقع درجه الشهاده بس للاسف بالالمانى
http://anabin.kmk.org/anabin.html
فتح حساب بنكى فى المانيا
من اهم الشروط للحصول على الفيزا وجود حساب بنكى مغلق فى المانيا بحد ادنى 4800 يورو او اكتر بواقع 800 يورو للشهر الواحد حسب متطلبات السفاره
رابط البنك
https://www.fintiba.com/#home-offering
بعد فتح الحساب اون لاين وانت قاعد مكانك بيكون فى طلبات من البنك بعض الاوراق بيطلبها منك حضرتك بتروح لاى شركة بريد وبتطلب ظرف موجه للبنك وبتاخد الظرف مع جميع الاوراق اللى هى طلب فتح الحساب وصوره جوازك والسفاره بتصدق عليها وبتقفل الظرف علشان تبعته للبنك فى المانيا ورسوم التصديق 20 يورو.
بكده حضرتك جهزت جميع اوراقك بالكامل وبتكون جاهز للتقديم فى السقاره ودفع الرسوم اللى هى 60 يورو.
ملحوظه البوست من المواقع الرسميه من السفاره الالمانيه
تعديل فى حاله ان الرابط مش شغال يرجى الدخول من الرابط التالى
https://kairo.diplo.de/eg-ar/service...nNationaleVisa