تويت
معايير لاختيار المجال الانسب ليك؟ لو محتار ما بين كذا حاج
3 معايير لاختيار المجال الانسب ليك؟ لو محتار ما بين كذا حاجة...!
فى ناس عندها شغف لكذا حاجة وشاطرة فيهم ومش عارفة تختار ايه المجال الانسب,
لو عندك المشكلة دى ومحتار وعايز تقرر ايه الانسب ليك ما بين حاجات مختلفة...
فى 3 معايير هيساعدوك فى الاختيار:
1- الشغف:
حدد مقدار شغفك للمجال ده واهتمامك بيه واستعدادك انك تشتغل فيه حتى لو من غير فلوس,
الشغف هو المعيار الاهم فى الاختيار, لانك لو بتحب المجال فرصة تفوقك فيه هتكون اكبر.
2- القدرة:
حدد درجة شطارتك واتقانك للمجال ده وازاى انت مؤهل ليه وعندك القدرة انك تتعلمه بسرعة,
فى ناس عندها مهارات بالفطرة زى الاقناع والقيادة مثلا وسهل جداا انهم يتميزوا فى اى شغلانة تتعلق بالمهارات دى وفى ناس تانية بتبذل مجهود كبير فى انها تحصل على مؤهلات لوظيفة مش مناسبة ليهم, هل مهاراتك وقدراتك بتأهلك للمجال ده ولا بتواجه صعوبة فيه؟
3- الفرصة:
اعمل بحث عن كل مجال واسأل عن فرص الدخول فيه وتدرجه الوظيفى ومستقبله فى السوق,
وايه هى المؤهلات المطلوبة وامكانية الحصول عليها, عشان متدخلش فى مجال وتكتشف انه بينتهى فى السوق او صعب جدااا انك تقدر تدخل فيه....
قيم كل مجال محتار فيه بدرجة من 10 على اساس كل معيار,
وشوف المجموع وايه الافضل بالنسبة ليك والاهم انك تكون شغوف بيه
ملحوظة: عشان تقدر تقيم صح لازم تكون جربت المجال ده مش بس اتعلمت عنه, سواء جربته فى شغل او فى تدريب او فى عمل تطوعى او طبقته بشكل ك Freelancer... المهم تجرب
اكتشاف المجال المناسب بيحتاج لوقت ومجهود وسعى انك تعرف عن نفسك اكتر
وتجرب كذا حاجة,
عشان تعرف ايه الانسب ليك...
متضيعش وقت واسعى وجرب.
ولو عندك اى مشكلة او سؤال فى ال Career بتاعك ابعتهلنا فى رسالة وهنساعدك تحلها