تقييم ومعادلة الشهادات لاستراليا وكندا
…
في تلاتة متطلبات رئيسية للهجرة سواء لاستراليا او كندا … وهي الايلتس ومعادلة المؤهل واجتياز النقاط المطلوبة … حنتناول بالشرح موضوع معادلة المؤهل وتقييم الشهادات واختلافه بين الاتنين ومزايا كل واحدة في موضوع التقييم ….
….
اول نقطة بتلخبط الناس … هل التقييم والمعادلة حاجة واحدة؟ …. بالنسبة لاستراليا نعم لان تقييم الهجرة هو معادلة بتؤهلك تحصل تشتغل في مجالك لاحقا لغالبية المهن …. بينما في كندا هم حاجتين مختلفتين لانهالتقييم الاولي بتاع الهجرة دا تقييم لمؤهلك الاكاديمي بس لاغراض الهجرة ومابيؤهلك تشتغل في مجالك فلازم تعادل شهادتك مع جهة الاختصاص لاحقا وتحصل علي ترخيص لمزاولة المهنة …
…..
نوع التقييم: تقييم كندا اسمه
ECA : educational credential assessment
ودا عبارة عن تقييم اكاديمي محض لشهادتك العلمية ولا يتطلب خبرة عملية او ايلتس او امتحانات اضافية … وبيتم قي 4 او 5 جهات معتمدة لكل انواع الشهادات العلمية
*لاستراليا التقييم اسمه
skill assessment
ودا تقييم للمهارات وبيعتمد علي حسب مهنتك وجهة تقييمك …. فالتقييم لايكون بس للمؤهل الاكاديمي … بل قد يتطلب عديد الاضافات كايلتس مثلا او تقرير اضافي او سنوات خبرة معينة او حتي امتحانات احيانا ….. عدا انه في عشرات جهات التقييم لكل المهن … وكل جهة عندها متطلبات مختلفة للمهن اللي بتقيمها …
الرسوم: كندا رسوم التقييم واحدة لغالبية الشهادات …. لكن لاستراليا التقييم بيتراوح وفي فروق شاسعة في اسعار التقييم حسب المهنة
تقييم استراليا لانه متروك لكمية كبيرة من الجهات فكل جهة بتحدد متطلباتها بشكل منفصل … ودي في بعض الاحيان بتكون طلبات صعبة لبعض المهن زي الاطباء اللي بيطلبو منهم مثلا خبرة محلية في استراليا للتسجيل الكامل او المحاميين اللي بيطلبو منهم الحصول علي ترخيص كامل من ولاية استرالية قبل التقييم …. بينما تقييم شهادتك من كندا دا موضوع بسيط للغاية… وغير معقد مقارنة باستراليا … وممكن اي حاصل علي شهادة جامعية ان يحصل علي التقييم ده من خارج كندا بدون
متطلبات اضافية او تعقيد
علي الجانب الاخر تقييم استراليا بيؤهلك للحصول علي ترخيص المهنة والدخول في سوق العمل مباشرة وبامكانك ان تعمل في مجالك من اول يوم لوصولك استراليا …. عكس كندا حيث ان التقييم للهجرة لايعطيك ترخيص لمزاولة المهنة لاغلب المهن ويستلزم الجلوس لمعادلة من جديد مع جهة الاختصاص …. مما يعني انه لايمكنك العمل في مجالك مباشرة بعد وصولك وقد تختلف فترة الانتظار حتي تستوفي متطلبات الترخيص لمهنتك ..
ختاما … التقييم اسهل في كندا ولا يشكل عائق للمهاجرين البتة ممايجعل اجراءات الهجرة اسهل نسبيا … لكن حصول المهاجرين علي عمل في مجالهم اصعب بسبب انه تقييم اكاديمي وليس مهني … مما يؤخر المهاجرين لكندا في الحصول علي اعمال تناسب مؤهلاتهم الاكاديمية زمنا طويلا مقارنة بنظرائهم المهاجرين لاستراليا
شكرا للمهندس / احمد كامل
