من الواضح إن في ناس كتير حضرت الندوه بتاعة
Reach immigration
و في ناس عندها لخبطه و تخبط فالكلام ألي هقوله
هينطبق على أي مكتب أو محامي هجره خاصة ﻷستراليا و بعض النقط لكندا
أولا: أنت كده كده هنتدفع فلوس حوالي 4500 دولار و المبلغ ده بالكامل هو أتعاب فقط المكتب ثانيا: أحنا شرحنا في بوست مفصل الخطوات ألي أنت بتتبعها علشان تعرف التخصص بتاعك مطلوب ولا ﻷ و في أي قائمه من القوائم و جهة المعادله بتاعتك و إزاي تحسب عدد النقط دول = 200 جنيه أستشارة
ثانيا: أنت ألي هتمتحن اللغه و أنت ألي هتدفع فلوس الأمتحان المكتب مش هيساعدك في حاجه
ثالثا: جميع جهات المعادلات لجميع التخصصات ناشره تفاصيل الورق المطلوب و المبالغ المطلوبه و أغلب التقديم بيكون أون لاين المكتب هياخد منك 1200 دولار على الفاضي و برده مش هيساعدك في حاجه
EOIرابعا: تقديم ال
كله أون لاين و لما تيجي الدعوة برده بتقدم أون لاين و بيتعين ليك Case officer و بيبعتلك أيميلات لو محتاج منك ورق ناقص أو أي أستفسار و مصاريف الفيز بتاعتك أنت و العائله أنت ألي هتدفعها والمكتب مش هيفيدك في حاجه و هياخد 1200 دولار على الفاضي
خامسا: الفيش الجنائي و الكشف الطبي أنت ألي بتعمله و برده المكتب هياخد منك 1200 دولار على الفاضي
سادسا: المكتب مش هيسرع إجرائات الفيزا ليك و لا هيتدخل بأي شكل من الأشكال هو هيكون بس سكرتير ليك للرد على ال
case officer طيب أنا ممكن أحتاج المكتب في أيه ؟ ممكن تحتاجه أنك تختم ختم طبق الأصل على أي ورقه مطلوبه هتبعتها مش أصليه و برده ممكن تستغنى عنه و تروح السفارة بنفسك الفرق إن التوثيق عنده ب 120 جنيه و في السفارة 170 جنية ال 4500 دولار ألي أنت هتدفعها للمكتب ممكن تعمل بيهم حاجات كتير أهم مثلا تدفع ال 4500 دولار لزوجتك لو مش عارف تثبت اللغه هتدفع جزء من مصاريف فيزتك أنت و العائله
ال 4500 دولار ممكن يكفوك 9 شهور معيشه و إيجار في الفتره ألي بتدور فيها على شغل ال 4500 دولار ممكن تحوشهم لتذاكر طيران العائله لما يسافروا ليك هناك ال 4500 دولار ممكن تاخد بيهم هناك
pool كورسات تقوي موقفك لما تقدم على شغل الأستفاده الوحيده من المكتب و في حالة كندا فقط لو قدر يجبلك عقد عمل لو أنت مش مكمل عدد نقط ال
شويه من الجهد و البحث و التنقيب هتعرف توصل و بسهوله للمعلومات ألي أنت عاوزها ألي عنده قدره مالية و ال 4500 دولار مش هيفرقوا معاه و معندوش وقت يبحث و يسأل يدفع المبلغ و برده مش هيستفيد منه حاجه المبلغ المطلوب من المكاتب أنا شخصيا شايفه مبالغ في جداااااا و لو المبلغ كان معقول …. برده مش شايف ليه لازمه يا شباب الهنود و الباكستانيين و الفلبينيين بيهاجروا من غير مكاااااااتب هجره و لو مش مصدقين أدخلوا و شوفوا منتداياتهم اللهم أني نصحت
