ولأول مره علي موقعنا – قهوة المهاجرين – كل تفاصيل الهجرة بين ايديك

34 thoughts on “ولأول مره علي موقعنا – قهوة المهاجرين – كل تفاصيل الهجرة بين ايديك”

1. السلام عليكم
   انا حاصل على ليسانس آداب لغة انجليزية من جامعة القاهرة. معايا تدريس اللغة الانجليزية للكبار (CELTA) من جامعة كامبريدج بعد كورس مكثف face to face لمدة شهر في British Council. حاليا بعمل دبلومة تدريس من كامبريدج بردو (DELTA) مدتها حوالي سنة ونص بطريقة distance learning.
   سؤالي: هل ابعت شهادات ما بعد التخرج اللي حصلت عليها لتقييمها في WES ولا مش هتفيد بحاجة في التقديم دلوقت؟ و هل اخاطب كامبريدج تبعتلهم ولا في طريقة تانية.

   جزاكم الله خيرا على مجهودكم وجعله في ميزان حسناتكم.

   1. وعليكم السلام ورحمة الله وبركاته ،
      كل هذه الشهادات هي شهادات مهنية ولا تقوم بتقييمها wes وبالتالي ليس عليها أية نقاط في الهجرة إلى كندا

      1. شاكر جدا على الرد.

2. مساء الخير . اولا احب اشكركم جدا علي المجهود الرائع .ومساعدتكم الفعالة لكل اعضاء الجروب .. انا عندي استفسار وارجو افادتي ..لي قريب مقيم في كندا ( يحمل الجنسية الكندية) وارسل لي دعوة زيارة . هل يشترط في هذه الحالة ان يكون لدي كشف حساب بنكي وكم يكون الرصيد المطلوب عند التقدم للحصول على فيزا للزيارة .. علما بأن الدعوة تتضمن التكفل بالمصاريف خلال فترة الزيارة ..وشكرا جزيلا

   1. لازم يكون موقفك المالي عالي وقادر على تحمل تكاليف السفر والسياحة في كندا

      1. هل هناك حد ادني لذلك ..يعني بتتحسب ازاي

         1. لو مثلا بعد مصاريف السفروخلافه معايا رصيد حوالي 10000 دولار . هل يكفي

            1. يكفي جداً كمبلغ مالي ولكن يؤخذ بعين الاعتبار معايير اخرى مثل الغرض من الزيارة وسجل سفرياتك السابقة (travel history) و اثبات الروابط في بلدك لاقناعهم بعودتك بعد الانتهاء من الزيارة

3. السؤال التانى بالنسبه للمهندسين هل محتاجين ترخيص او اى اوراق قبل سفرهم لكندا واالترخيص ده بيجبوه منين وتكليفه كام وبياخد وقت قد ايه ؟ وايه الفرق بين الترخيص وترشيخح الولاية ؟ هل ممكن حد يشرح الاتنين ؟ وازى بنجيبهم ؟

4. السلام عليكم

   ياجماعة بالنسبة لشهادات الخبره المطلوبه هل ليها فورمه معينه ؟؟ طيب لو انا اشتغلت فى 3 اماكن هجيب 3 شهادات ؟ حتى لو اشتغلت فى مكان مثلا 4 شهور وماكن تانى 9 شهور ؟ ولو رفضوا يدونى الشهادات اعمل ايه ؟ طيب لو انا اشتغلت فى جهة حكومية 7 سنين ومش راضيين يعملوا الشهادة بنفس الشكل المطلوب من مكتب الهجرة اعمل ايه ؟ بالله عليكم افيدونا ؟؟؟؟؟؟؟؟؟؟؟؟؟؟

   1. حضرتك تقصد اي بلد الاول ؟

      1. انا اشتغلت فى مصر 7 سنين فى وزارة الكهرباء وبعد كده اشتغلت فى السعودية فى شركة اربع شهور وشركة تانية 9 شهور

         1. كندا يكفي شهادة خبرة بتلات سنين عشان تعرف تقدم
            ولازم تكون بالصيغة المطلوبة من وزارة الهجرة عشان يقبلوها
            مش مطلوب لكندا تأمينات او حساب بنكي للراتب

            1. طيب دلوقتى همه طالبين فى تطبيق الاقامة الدائمة انى اعطى تفاصيل عن كل خبرتى العملية وكل الشركات اللى اشتغلت فيها وانى ارفع صور من كل الشهادات ديه . وانا مش عارف اجيب اى شهادة من الشركات السعودية خالص بجانب ان الشركة اللى فى مصر الحكومية رافضة تكتب الشهادة بالصيغة ديه

               1. لو الخبرة مش هتستفاد بيها في النقاط بلاش تذكرها لانك لازم تقدم الاثبات عليها
                  اما الجهة الحكومية فانت ممكن تجيب اي شهادة تدرج وظيفي بأي صيغة ومختومة بختم النسر وتترجمها وتخلي مديرك يكتبلك الشهادة اللي فيها المهام الوظيفية وكافة العناصر المطلوبة مثل الاجر وساعات العمل الاسبوعية ويوقع عليها ويختم وبحط رقم تلفونه والبيزنس كارت بتاعه وان شاء الله يمشي الحال

      2. اقصد الهجرة الى كندا

5. متواجد ان شاء الله معاكم لو فيه اي اسئلة بخصوص الهجرة الي استراليا

6. السلام عليكم ورحمة الله وبركاته

   شكرا للمجهود المميز اللى بيتم بذله وجزاكم الله خير

   للاسف انا مقدرتش اكون متواجد نتيجة فرق التوقيت ولكن انا قعدت بحثت وقراة الكثير من المواضيع وحتى الان حيران

   فنطلب من حضرتكم طلب

   ممكن عمل موضوع عن الهجرة الى كندا خطوة بخطوة كالاتى :-

   1- الاوراق اللازمة للتقديم على الهجرة الى كندا بالتفصيل .

   2- ما الاوراق التى نحتاج اليها قبل بداية طلب الهجرة والاوراق التى نحتاج اليها اثناء الانتظار للحصول على دعوة التقديم للاقامة الدائمة باذن الله والاوراق التى سنحتاجها بعد الحصول على الدعوة .

   3- من اين يتم عمل هذه الاوراق وكيفية عملها بالتفصيل وهل يوجد فورمه معينه لهذه الاوراق ( شهادة الميلاد _ شهادة الخبره او خطابات الخبره _ الشهادات التعليمية _ شهادات اللغة _ الاختبار الطبى _ السجل الجنائى …….. والخ ) .

   4- ذكر كل المشاكل الممكن مواجهتها اثناء عمل تلك الاوراق وطريقة حلها .

   5- خريطة تفصيليه بتكلفة الاوراق او متوسط المبلغ الذى سيتم دفعه لكل هذه الازراق خلال العملية كاملة .

   6- كيف يتم التقديم وياريت لو فى فيديو يوضح ذلك بالتفصيل لعمل ملف الExpress entry وما المتوقع بعده وكيف تكون التقييمات والعملية حتى الحصول على دعوة الاقامة .

   7- هناك الكثير يقوموا بعمل ملف على ال express entry وايضا عمل ملف على صفحة المقاطعة نفسها . فما الفرق ؟

   8- ما هى التصريح والاوراق التى يجب على المهندس القيام بعملها قبل السفر الى كندا واي الجهات يخاطبها وكم المدة اللزمة لاصدار تلك التصريح زهل يوجد اوراق اخرى يحتاج اليها.

   9- ما هى افضل المدن من حيث توافر فرص العمل فى قطاع الهندسة والمعيشة .

   10- ما هى المعلومات الشخصية او المعلومات الخاصة بالاسرة التى يجب توافرها اثناء التقديم وهل فى حاجه الى اى اوراق تخص اى شخص فى اسرتى اثناء التقديم ؟

   11- الخيارات المتاحه لكل شخص هل يستطيع ان يقدم بمفرده اذا كان متزوج اما يتقدم هو وزوجته وايهم افضل ؟

   12- اذا كان الشخص يعيش ببلد اخرى غير بلده ومعه اقامة فى اى بلد عربيه او اجنبيه فهل هناك فرق وهل سيحتاج الى اى اوراق من بلد الاقامة ؟

   1. حضرتك معلش السؤال ده كله موجود في المنتدي والجروب لو بس عملتي سيرش او تجولتي في الجروب هتلاقي بوستات بكل ال حضرتك سآلتيه لانو اجابتو مفصلة في اكثر من بوست اقرآيهم ولو في سؤال محدد في نقطة مش مفهومة حاضر بنجاوب عليها
      وده لينك هيجاوب علي اسئلة حضرتك ..

      https://m.facebook.com/groups/283255795167217?view=permalink&id=803706576455467

      وبالتوفيق

   2. تمام حضرتك انا فتحت اللين بس مافهوش كل حاجه ؟؟

      يعنى ممكن بعد اذنك بالتفصيل اكثر … ايه الاوراق اللى محتاجها فى اول التقديم وايه الاوراق اللى هحتاجها بعد كده لانى مش فى مصر وعشان اعمل الاوراق ديه محتاج وقت فلازم ابقى عارف كل حاجه ومجهزه بالتفصيل لانى زى ما قرات على موقع الهجرة الوقت بيفرق جدا .. فياريت بتمنى من الله عز وجل انكم اجاوبوا على اسئلتى وده هيفيد كثير من الناس الحيرانه .

      1. محتاج الاوراق التالية عند التقديم على موقع وزارة الهجرة
         شهادة إثبات اللغه
         شهادات ميلادك وقسيمة الجواز وشهادات ميلاد الأطفال لوًحضرتك متجوز وعندك اطفال وطبعا بالإنجليزي او مترجمة للإنجليزي من اي مكتب ترجمة له سجل تجاري وختم
         تقيم شهادة التخرج من جهة معتمدة بكندا مثل WES
         شهادات الخبرة العملية
         ما يثبت قدرتك المالية طبقا المبالغ المطلوبة حسب عدد أفراد اسرتك

         بعد الحصول على الدعوة هايطلب منك ملفات أساسية زي
         كشف طبي عند جهه هم هايقولولك عليها وقتها
         فيش جنائي من كل دولة قعدت فيها اكثر من ٦ شهور اخر ١٠ سنين

         واي ملفات تانيه ممكن يطلبها ال case officer وهايدي وقتك لتجهيزها

   3. محتاج الاوراق التالية عند التقديم على موقع وزارة الهجرة
      شهادة إثبات اللغه
      شهادات ميلادك وقسيمة الجواز وشهادات ميلاد الأطفال لوًحضرتك متجوز وعندك اطفال وطبعا بالإنجليزي او مترجمة للإنجليزي من اي مكتب ترجمة له سجل تجاري وختم
      تقيم شهادة التخرج من جهة معتمدة بكندا مثل WES
      شهادات الخبرة العملية
      ما يثبت قدرتك المالية طبقا المبالغ المطلوبة حسب عدد أفراد اسرتك

      بعد الحصول على الدعوة هايطلب منك ملفات أساسية زي
      كشف طبي عند جهه هم هايقولولك عليها وقتها
      فيش جنائي من كل دولة قعدت فيها اكثر من ٦ شهور اخر ١٠ سنين

      واي ملفات تانيه ممكن يطلبها ال case officer وهايدي وقتك لتجهيزها

7. من فضلكم ممكن خطوات الهجرة لكندا من الاول خالص مع إضافة تكلفة تقريبية لكل خطوة:

   1 – الورق المطلوب استخراجه من الكلية (الشهادة المترجمة و بيان الدرجات المترجم ) (هل للمتقدم فقط ام للمتقدم وزوجته)؟؟
   2- الأوراق المطلوب استخراجها من الجهات الحكومية ( شهادات الميلاد و جواز السفر و قسيمة الزواج الأصلية وليس الألكترونية) ، هل يوجد اوراق اخرى مطلوبة؟؟
   3 – شهادات الخبرة هل يجب ارفاق خطاب من التأمينات وماذا إذا لم يكن متاح خطاب التأمينات وهل يجب ترجمته وهل يجب ان يوجد به اي شروط معينة؟
   4- مراجعة الشهادات من WES هل لي فقط ام لي و لزوجتي؟
   5- متى يجب ان اقوم بامتحان اليتس
   6- كيفية التقديم في السفارة الكندية هي يكون اونلاين ام يجب الذهاب إلى هناك
   7 – ماهي الأشياء الازم توافرها معي عند التقديم
   8 – قيمة المبلغ الازم إيداعه في حسابي البنكي وهل يجب مرور مدة زمنية معينة على هذا الحساب او ماهي شروط هذا الحساب بالضبط؟
   9- مصاريف التقديم في السفارة الكندية
   10 – ماهو التقرير المالى وتكلفته وهل من اللازم الاستعانة محامي أو محاسب؟
   11- ماهو التقرير الطبى وتكلفته وهل يجب ان يكون عن طريق محامي؟

   برجاء مساعدتنا بالأجابة على الأسئلة السابقة وترتيب الخطوات وإضافة تكلفة كل خطوة؟

   1. 1- لو انت محتاج لدرجات تقييم الزوجة تستخرج كمان شهادات تخرج وبيان درجات ليها
      ٢- شهادة الجواز الالكترونية مقبولة مفيش مشكله فيها ومفيش ورق تاني حكومي مطلوب غير الفيش الحنائي لما تيجي الدعوة
      ٣- كندا مش مطلوب خطاب تأمينات
      ٤- نفس السؤال رقم واحد ونفس الإجابة
      ٥-اول حاجة في مشوار الهجرة الايلتس
      ٦- كل حاجة اونلاين عن طريق موقع وزارة الهجرة الكندية
      ٧- كل شهادات الي ذكرتها فوق مع شهادات الخبرة والايلتس والتقييم لشهادة التخرج
      ٨-على حسب أعضاء الاسرة قولي كم عضو في اسرتك عشان أقولك المبلغ المطلوب كم ولازم يكون في حسابك فترة لا تقل عن ٦ شهور قيل قبول الدعوة
      ٩- ٥٥٠ دولار كندي للفرد
      ١٠- مبقاش مطلوب خلاص حاليا تقدر تقدم من غيره
      ١١- التقرير الطبي في مستشفيات معينة موجود عناوينها وبياناتها على موقع الوزارة الهجرة وانت اللي بتعملها مش المحامي

8. السلام عليكم
   اولا شكرا جزيلا لجهدكم الرائع
   كنت شاهدت من موقع الجروب للتقديم للدراسات العليا الماجستير بأمريكا في جامعة MUM وتكون طريق لطلب جرين كارد بعدها
   س1 كم يمكن المكوث بأمريكا بفيزة الدراسة F1
   س2 ماهي اجراءات وفرص طلب الجرين كارد بعد انتهاء الدراسة
   س3 هل العمل لازم لأخذ الشهادة من الجامعة
   س4 بالنسبة للزوحة والاولاد هل لهم تأمين صحي ام يشتري والعليم للثانوية مجانا ان لا؟
   وشكرا مقدما

9. اللي عنده اسئلة او اي استفسار عن الهجرة لكندا انا معاكم وهجاوب على اسئلتكم

   1. السلام عليكم
      هل عند حضرتك معلومات عن هجرة رجال الأعمال او التجارية لكندا؟

      1. في هجرة لكندا بولاية ساسكاتشوين بتطلب راس مال ٣٠٠ الف دولار وبتقدم Expression of interest على الموقع بتاعه وبيسحبوا كل فترة من الطلبات دي

         1. شكرا لك
            بيتطلب رأس مال فقط ام له طلبات اخرى مثل IELTS؟
            وهل لابد من نجاح المشروع المقام هناك لتجديد الاقامة او للتقديم على الجنسية؟

            1. الموضوع ده هاتلاقي فيه كل التفاصيل

               وموعد السحب لشهر أكتوبر تم تغييره ليوم ٣١/١٠

               https://www.arab-migrants.com/vb/showthread.php?t=2655

10. اهلا بيكي معانا ولاء .. استقبال الأسئلة علي الرابط
    https://www.arab-migrants.com/ar/category/migrants-coffee/

11. تجربة جديدة و مفيدة باذن الله

12. بالتوفيق للجميع وان شاءالله كلنا هنكون موجودين لمساعدتكم والرد علي الاسئلة في الحال

13. بالتوفيق للجميع ان شاء الله

Comments are closed.